Օգտակար ծրագրեր

Ջնջված ֆայլերը վերականգնող անվճար ծրագրեր

Ներկայացնում եմ ջնջված ֆայլերը վերականգնող մի քանի անվճար ծրագրեր, որոնց միջոցով կարող եք վերականգնել համակարգչի կոշտ սկավառակից, USB կրիչներից և հիշողության չիպերից  ջնջված տվյալները: Ծրագրերը ունեն տարբեր ինտերֆեյսներ և ֆունկցիոնալություն, սակայն հիմնականում բոլորի մոտ անհրաժեշտ է կատարել նույն քայլերը (սկանավորել, գտնել, վերականգնել):

1. Recuva

2. Glary Undelete

3. Pandora Recovery

4. SoftPerfect File Recovery

5. Avira UnErase Personal

6. FreeUndelete

7. ADRC Data Recovery Tool

8. TOKIWA Data Recovery

9. Wise Data Recovery

Ինչպես հեշտությամբ ջնջել երկրորդային օպերացիոն համակարգերը

Երբեմն անհրաժեշտություն է առաջանում նույն համակարգչի վրա տեղադրել միանգամից մի քանի օպերացիոն համակարգեր (օրինակ C դիսկի վրա տեղադրված է Windows 8, իսկ D դիսկի վրա՝ Windows 7): Հետագայում այդ համակարգերից որևէ մեկը ջնջելու ընթացքում առաջանում են որոշակի խնդիրներ, քանի որ անհրաժեշտություն է առաջանում   ձեռքով ջնջել պահանջվող ֆայլերը և կատարել որոշակի փոփոխություններ համակարգային ֆայլերում: Այս գործընթացը հեշտացնելու համար ստեղծվել է NanWick ծրագիրը, որի միջոցով հեշտությամբ կարող եք ջնջել Ձեր համակարգչում տեղադրված երկրորդային օպերացիոն համակարգերը: Ծրագիրը ունի միայն մի թերություն. ծրագրի այդ տարբերակով հնարավոր է ջնջել միայն Windows Vista,7,8 երկրորդային օպերացիոն համակարգերը: Տեղեկացնեմ նաև, որ ծրագիրը ջնջում է միայն տվյալ սկավառակի վրա գտնվող օպերացիոն համակարգը, իսկ մնացած թղթապանակներն ու ֆայլերը չեն ջնջվում:Ներբեռնել

Վառվող խարույկ համակարգչի էկրանին

Ձմեռային այս ցուրտ օրերին կարող եք համակարգչի էկրանը դարձնել բուխարի և վայելել ջերմացնող կրակի գեղեցիկ շարժումները:Ներբեռնել

Թողարկվեց Apple iTunes-ի 11-րդ տարբերակը

Apple-ի սարքավորումներ ունեցողներին կարիք չկա ներկայացնել iTunes ծրագիրը, քանի որ այդ սարքերի մեջ գտնվող ֆայլերի հետ աշխատելու համար սա հիմնական մեթոդներից մեկն է: Սակայն այս ծրագրի նախորդ տարբերակները օգտագործողների կողմից արժանացել են բազմաթիվ դժգոհությունների: Նշվում է, որ ծրագրի նոր տարբերակում կատարվել են ինտերֆեյսի և ֆունկիոնալ փոփոխություններ: iOS համակարգով աշխատաող սարքեր չունեցողները նույնպես կարող են տեղադրել այս ծրագիրը և օգտագործել որպես բազմաֆունկցիոնալ աուդիո/վիդեո նվագարկիչ:Ներբեռնել

Internet Explorer 10 դիտարկիչն արդեն հասանելի է նաև Windows 7-ում

Internet Explorer 10-ը թողարկվեց անցած ամսվա վերջում Windows 8 օպերացիոն համակարգի հետ միասին: Սակայն Windows 7-ի օգտատերերի համար այդ ծրագրի 10-րդ տարբերակը հասանելի չէր: Այժմ Microsoft ընկերությունը թողարկել է Windows 7-ի համար նախատեսված Internet Explorer 10 դիտարկչի նախնական տարբերակը: Ծրագրի նախնական տարբերակը կարող եք ներբեռնել այստեղից:

Չափազանց օգտակար ծրագիր: Pokki

Օպերացիոն համակարգերում սոցիալական ցանցերի և ինտերնետային ծառայությունների ինտեգրումը գնալով դառնում է ավելի անհրաժեշտ ու արդյունավետ: Օրինակ Facebook-ի նորությունները կամ Gmail-ի նամակները ստուգելու համար պարտադիր չի բացել ինտերնետ դիտարկիչները ու բացել համապատասխան կայքեր: Դրա փոխարեն հնարավոր է օգտագործել հատուկ մինի ծրագրեր, որոնք թույլ են տալիս օգտվել սոցիալական ցանցերից և ինտերնետային ծառայություններից անմիջապես համակարգչի աշխատանքային էկրանից:

Հատուկ վերը նշված պահանջները բավարարելու համար ստեղծվել է Pokki ծրագիրը, որը ոչ միայն թույլ է տալիս համակարգչի աշխատանքային էկրանի ներքևում տեղադրել ինտերնետ ծառայությունների հղումները, այլ նաև օնլայն տարբերակով ցույց է տալիս դրանցում առկա թարմացումների մասին տեղեկացումներ (օրինակ նամակների քանակը):

Pokki ծրագիրը ունի նաև App Store, որտեղ կարող եք գտնել բազմաթիվ ինտերնետային ծառայություններ և խաղեր, որոնք կարող եք հեշտությամբ ներբեռնել և ավելացնել Pokki ծրագրին:

Այս ծրագիրը տեղադրելուց և փորձելուց հետո կհամոզվեք, թե ինչքան է այն հեշտացնում ինտերնետային ծառայությունների և օպերացիոն համակարգի միջև կապը: 

Պատրաստեք վիդեո պրեզենտացիաներ մի քանի պարզ քայլերի միջոցով

Wondershare Fantashow-ը իրենից ներկայացնում է չափազանց պարզ ու հեշտ եղանակով վիդեո պրեզենտացիաներ պատրաստելու ծրագիր: Իհարկե պրեզենտացիաներ հնարավոր է պատրաստել նաև այլ ծրագրերով (Nero, PowerPoint), սակայն սա ոչ պրոֆեսիոնալ ծրագիր է և այդ պատճառով չափազանց հեշտ է: Այս ծրագրով պրեզենտացիա պատրաստելու համար անհրաժեշտ է կատարել ընդամենը 3 քայլ:

Քայլ 1. (Շաբլոնի ընտրություն)

Այս քայլում անհրաժեշտ է ընտրել ծրագրում եղած շաբլոններից որևէ մեկը կամ ներբեռնել ինտերնետից նոր շաբլոններ:

Քայլ 2. (Պրեզենտացիայի պատրաստում)

Այս քայլում արդեն կարող եք նշել անհրաժեշտ մեդիա ֆայլերը ու տեղադրել դրանք կադրերի վրա: Կարող եք ընտրել հետևի ֆոնի երաժշտությունը, գրել տեքստեր, ինչպես նաև ընտրել տարբեր ֆորմատների վիդեոներ ու լուսանկարներ (MP4, FLV, AVI, VOB, 3GP, ASF, MOV, F4V, M4V, MPG, DPG, TS, TRP, M2TS, MTS, DAT, MKV, WMV, DVR -MS, DV, TOD, EVO, BMP, JPG, GIF, TIF, ICO, DIB, JPEG, JPE, JFIF, and TIFF): Կարող եք նաև պատրաստման ընթացքում սեղմել Play կոճակը և փորձարկել:

Քայլ 3. (Պրեզենտացիայի պահպանում)

Ծրագրի այս փուլը իրոք չափազանց հարմարեցված է տարբեր պահանջների համար: Այս քայլում կարող եք պահպանել պրեզենտացիան տարբեր ֆորմատներով ու տարբեր միջավայրերում: Հնարավորություն կա պրեզենտացիան պահպանել համակարգչի մեջ, միանգամից տեղադրել YouTube-ում կամ ձայնագրել սկավառակի վրա: Եթե ցանկանում եք այդ պրեզենտացիան տեղադրել բջջային հեռախոսի մեջ, ապա կարող եք ընտրել հեռախոսի համապատասխան մոդելը և ծրագիրը ավտոմատ կորոշի պրեզենտացիայի չափսերը:Ներբեռնել

Microsoft-ը ներկայացրեց Office 2013 փաթեթը: Ներբեռնեք փորձնական տարբերակը

Microsoft ընկերությունը ներկայացրեց Microsoft Office 2013 ծրագրային փաթեթի բետա տարբերակը: Microsoft Office-ի նոր դիզայնը մշակվել է Windows 8-ին համապատասխան և հարմարեցված է պլանշետներով և սենսորային էկրանով համակարգիչներով աշխատելու համար: Ծրագրի գլխավոր առաձնահատկություններից է նաև Microsoft SkyDrive ծառայության ինտեգրումը: Այսինքն հնարավորություն կա ստեղծած բոլոր փաստաթղթերը միանգամից պահպանել ամպային սերվերների վրա և հասանելի դարձնել դրանք ցանկացած միջավայրում:

Նոր տարբերակում ներդրվել են սոցիալական ցանցերի և Skype-ի հետ  աշխատող ֆունկցիաներ: Փաթեթում ներդրվել են նաև բազմաթիվ այլ օկտակար ֆունկցիաներ: WindowsXP և Windows Vista համակարգերի համար Office 2013 փաթեթը հասանելի չի լինի: Office 2013-ի վերջնական տարբերակը կթողարկվի Windows 8-ի վերջնական տարբերակի հետ միաժամանակ: Փորձնական տարբերակը ներբեռնելու համար սեղմեք այստեղ և ընտրեք Try: 

Ինչպես աշխատացնել Անդրոիդ համակարգի ծրագրերն ու խաղերը Windows-ում

Եթե ցանկանում եք փորձարկել Անդրոիդ համակարգի համար նախատեսված խաղերն ու ծրագրերը նախքան հեռախոսի մեջ տեղադրելը կամ պարզապես ցանկանում եք Windows օպերացիոն համակարգում բացել ու օգտագործել դրանք, ապա կարող եք օգտագործել BlueStacks ծրագիրը: Ծրագիրը ներառում է նաև Cloud Connect ֆունկցիա, որի միջոցով հեշտությամբ կարող եք Անդրոիդի համար նախատեսված խաղերն ու ծրագրերը տեղափոխել բջջային հեռախոսից դեպի համակարգիչ:  Cloud Connect ֆունկցիայից օգտվելու համար անհրաժեշտ է բջջային հեռախոսի մեջ տեղադրել այս ծրագիրը: Անդրոիդի համար նախատեսված ծրագրերը կարող եք ներբեռնել կամ Google Play-ից, կամ էլ այս ծրագրիկայքից: 

Բազմաֆունկցիոնալ աուդիո նվագարկիչ: AIMP 3.10

AIMP-ը իրենից ներկայացնում է բազմաֆունկցիոնալ աուդիո նվագարկիչ: Այն իր մեջ ներառում է բազմաթիվ գործիքներ, որոնց միջոցով հնարավոր է փոխել երաժշտական ֆայլերի ֆորմատները, ձայնագրել միկրոֆոնից կամ այլ աուդիո սարքավորումներից, մշակել երաժշտական ֆայլերի մեջ պարունակվող տվյալները (Tag), ինչպես նաև կատարել խմբակային ֆայլերի վերանվանում կամ վերադասավորում: Հնարավորություն կա նաև ամբողջովին փոխել ծրագրի արտաքին տեսքտ  (skin): Մի խոսքով, եթե փնտրում եք լավ աուդիո նվագարկիչ, ապա AIMP-ից հաստատ դժգոհ չեք մնա: Ես արդեն երկար տարիներ օգտագործում եմ հենց այս նվագարկիչը ու շատ գոհ եմ, քանի որ այն Winamp-ի նկատմամբ ունի մի շարք առավելություններ:Ներբեռնել

Թարմացրեք Skype-ը (5.9.0.114)

Սկայպի նոր տարբերակում վերացվել են մի քանի թերություններ կապված էկրանի տարածման, վիդեոզանգերի, խմբակային խոսակցությունների և այլ ֆունկցիաների հետ: Բոլոր փոփոխությունները կարող եք տեսնել այստեղ:

Ներբեռնել

Ի՞նչ է Dropbox-ը և ինչպես օգտվել

Dropbox-ը անվճար ծառայություն է, որի միջոցով կարող եք ցանկացած վայրում հասանելի դարձնել ձեր լուսանկարները, վիդեոները, փաստաթղթերը և մնացած այլ ֆայլերը: Օրինակ, եթե աշխատանքի վայրում կամ դպրոցում ունեք ինչ-որ ֆայլեր, որոնք ուզում եք տեսնել նաև տան համակարգչի վրա, ապա անհրաժեշտ է ընդամենը այդ ֆայլերը տեղադրել համապատասխան թղթապանակի մեջ և տան համակարգչում բացել այդ թղթապանակը: Փաստորեն այլևս կարիք չկա ֆայլեր տեղափոխելու համար օգտագործել կրիչներ: 

Dropbox-ի շնորհիվ կարող եք նաև հասանելի դարձնել այդ ֆայլերը ձեր ընկերներին այլ մարդկանց:

Եթե նույնիսկ Ձեր համակարգիչը վնասվում է ու սկավառակի վրա գտնվող ֆայլերը ջնջվում են, այլևս կարիք չկա անհանգստանալու, քանի որ այդ ֆայլերը պահպանվում են նաև Dropbox-ի սերվերի վրա: 

Ինչի՞ց սկսել

1. Այցելեք այստեղ և գրանցվեք:
2. Նեռբեռնեք Drobpox ծրագիրը:
3. Բացեք և տեղադրեք համակարգչի մեջ
4. Տեղադրելուց հետո գրեք Ձեր օգտանունը ու ծածկագիրը 
5. Նշեք Dropbox-ի թղթապանակի հասցեն

6. Բացեք այդ թղթապանակը և տեղադրեք ֆայլերը:

Այսուհետ այդ թղթապանակում տեղադրված ֆայլերը հասանելի կլինեն ցանկացած վայրում (համակարգիչներ, բջջային հեռախոսներ և այլն), որտեղ տեղադրված կլինի Dropbox ծրագիրը և կլինի ինտերնետի առկայություն: Նշեմ նաև, որ առանց Dropbox ծրագրի ֆայլերը կարող եք տեսնել ինտերնետ դիտարկչի մեջ հավաքելովDropbox.com:

Dropbox-ը սկզբում տալիս է 2.5 ԳԲ ազատ տարածք, որը հնարավոր է շատացնել կամ գումարով, կամ ընկերներին հրավիրելով: Dropbox-ը յուրաքանչյուր հրավերի համար երկու կողմերին հատկացնում է  500 Մբ ազատ տարածք:

Adobe Photoshop CS6

Adobe ընկերությունը թողարկեց Photoshop ծրագրի նոր տարբերակը (CS6), որում նորացվել է ինտերֆեյսը և ավելացվել են բազմաթիվ նոր ֆունկցիաներ:

Ինչպես ձայնագրել համակարգչի էկրանին տեղի ունեցող գործողությունները

Երևի տարբեր կայքերում նկատել եք ուսուցողական տեսահոլովակներ, որտեղ ցուցարվում է համակարգչի էկրանը և ինչ-որ բան է բացատրվում: Դա արվում է հատուկ ծրագրերի օգնությամբ, որոնք կարող են ձայնագրել համակարգչի էկրանին տեղի ունեցող գործողությունները և պահպանել վիդեո ֆայլում: Այդ ծրագրերից ամենահարմարը ըստ ինձ CamStudio-ն է, որը կարող եք անվճար ներբեռնել և օգտագործել: Այն ունի չափազանց պարզ ինտերֆեյս: Հնարավորություն կա ձայնագրել ամբողջ էկրանը, կամ էկրանի նշված հատվածը: 

Ծրագիրը տեղադրելուց հետո անհրաժեշտ է բացել այն, սեղմել կարմիր կոճակը և սկսել ձայնագրել էկրանը: Ծրագրի կարգավորումներից կարող եք փոխել ձայնագրվող տեսահոլովակի որակը և այլ պարամետրեր:

Ներբեռնել

Խորհուրդ եմ տալիս նաև ներբեռնել և տեղադրել այսկոդեկները, որպեսզի կարողանաք պահպանել ձայնագրված ֆայլը մի քանի ֆորմատներով: